歌舞團足球會介紹

1.球會宗旨

歌舞團足球會的宗旨是...只做球會「新丁」不要球場「精英」

寧願選擇一個腳法技術皆欠奉、但積極熱心的「新丁」,多於一個毫無熱誠毫不參與既「精英」。務求歌舞團足球會全體「新丁」都能「真真正正地」"體驗全民參與"和"享受快樂足球"!!




2.球會介紹

2006年夏天,一班一齊踢左幾年街波的烏合之眾突然想起不如整番件隊衫著下啦,當時我二話不說就負責去買左十幾件波衫,印埋各位隊員的名及號碼係心口加背脊,又要開始諗下球隊名. 

突然間有一日,我老婆問我係度做緊咩, 我就話我地班人係度組緊一支球隊,但係未諗到叫咩名,佢就玩嘢咁話,不如叫做 ”山西人妖歌舞團”啦, 我又玩嘢反問佢個名可唔可以短啲呢? 佢話咁呀,不如就叫做”歌舞團”啦……歌舞團的名稱就係咁得來!! 

踢下踢下先發覺"歌舞團"個名係真係有好特別的意思,其實踢波唔係一定要贏先開心,因為大家能夠有著共同興趣/理念,一大班人定時定候走埋一齊,踢下波,休息時坐係場邊吹下水,高談闊論,間唔中大家再聚首一堂食下飯,咁樣先係最開心最享受.

平時返工已經咁大壓力,試想下如果踢波時仲要強迫自己一定要踢得好,一定要贏,一定要有好大進步,咁咪好辛苦同埋好戇居,正所謂”波並唔係咁踢嘅”,所以歌舞團足球會的精神就正如你俾錢去睇歌舞表現一樣,都係抱著一個好簡單的心態-"何必咁著緊,都係尋開心"啫!!





3.球會歷史


2001年 - 五六個膽生毛剛剛畢業的後生仔,放工後不知天高地厚走去九龍城石鼓壟道五人圍牆足球場學人地跟隊踢波,排左成粒鐘先踢得五分鐘,試過幾次之後,好冇癮,停左年幾冇再踢波,認真參透周星馳名句”波苯唔係梗踢”!!
(一起經歷隊員:1.Kit.C, 5.Lok, 12.Stanley, 14.Dennis, 18.Simon, 23.Matthew, 25.Ming) 

2003年年中 - 由於現在其中一隊友隊港燦聯的成員突然向我約腳踢下友誼波,唯有硬住頭皮再去試下搵番上述幾位兄弟出戰啦,好彩佢地又冇托手肘,但係今次醒目啦,識得咩叫做"book場"同埋咩叫"場紙",唔駛再同人跟隊踢波,但係天未光去排隊book場真係好辛苦. 踢左幾個月五人圍牆足球場之後發覺個龍門只係得腰咁高,唔太好玩,因此要四周圍睇下有冇d大少少的球場而個龍門又可以高番少少就最好!!(事關我地人又唔多)
(一起經歷隊員:1.Kit.C, 4.Alan, 5.Lok, 7.Huney, 12.Stanley, 14.Dennis, 18.Simon, 23.Matthew, 25.Ming)

2004年年初 - 終於都比我地搵到一處地方個場又唔係大好多而個龍門size又正常番少少-就係黃大仙睦鄰街公園六人足球場,踢下踢下又發覺要搵多一隊對手自己三隊兩個鐘跟下隊(因為主要都係我地呢類打"壞"後生經常上氣唔接下氣),有多一隊對手輪流踢下會舒服啲同埋刺激啲,係呢段日子,又開始有幾位朋友仔開始加入定期踢下波慢慢變成隊友!!
(一起經歷隊員:1.Kit.C, 3.Aqua, 5.Lok, 7.Huney, 9.Hong, 12.Stanley, 14.Dennis, 18.Simon, 23.Matthew, 25.Ming, 33.Peter, 52.Leung)

2005年年初 - 開始漸漸覺得個場唔夠大,玩的時間又唔夠多,又開始四周圍睇下有冇更合適的場地,又俾我地發現到九龍公園個七人硬地足球場係一個不錯的好地方,所以我地開始交替地輪流兩個場地去踢波,亦漸漸地開始集中係九龍公園踢波,因為我們出席的人和對手越來越多,加上地點和交通亦十分方便(始終都係尖沙咀)
(一起經歷隊員:1.Kit.C, 2.Sam, 3.Aqua, 5.Lok, 6.William, 7.Huney, 9.Hong, 10.Seth, 11.Leo, 12.Stanley, 14.Dennis, 15.Herman, 16.Andy, 18.Simon, 22.Del, 23.Matthew, 25.Ming, 32.Ccy, 33.Peter, 52.Leung)

正式創會-2006年8月27日

2006年8月份 - 大家突然想起不如整番件隊衫著下啦,當時我二話不說就負責去買左十幾件波衫,印埋各位隊員的名及號碼係心口加背脊, 我們一行12位隊員在2006年8月27日一起穿著本會第一件球衣在九龍公園與其他友隊作賽,歌舞團足球會便正式宣佈成立!!
(第一代會員:1.Kit.C, 2.Sam, 3.Aqua, 5.Lok, 6.William, 7.Huney, 9.Hong, 12.Stanley, 14.Dennis, 15.Herman,18.Simon, 23.Matthew)

2007年5月1日 - 由於九龍公園一路以來都有一班上左年紀的"過氣足球明星"係度長期打躉,就算你有"場紙",佢地都要佔據球場的一部份,攪到越來越冇癮,剛巧九龍公園個球場又有大型維修要進行,唯有另覓球場啦!! 咁啱3.Aqua同我講話佢上網book左個仿真草7人場係東涌,我第一個反應話會唔會遠左啲呀,好難搵到對手喎!! 但係機緣巧合之下又被我地搵到一隊對手,因此歌舞團便正式在2007年5月1日進駐東涌文東路公園7人仿真草足球場, 同一時間亦有幾位新力軍加入歌舞團!!
(第二代會員:4.Alan, 8.Andrew, 10.Quentin, 11.Leo, 16.Andy, 25.Ming, 33.Peter)

2008年年初 - 雖然歌舞團已經視東涌文東路為主場,但是由於相繼有新的會員加入球隊,我們同時亦希望可以在九龍區增多一個固定的地方為本會的友賽球場,為了方便申請預定足球場,本會便正式註冊為法定團體,而歌舞團亦開始踏足新增的友賽球場-旺角櫻桃街公園仿真草足球場!!
(第三代會員:22.Del, 52.Leung)

2008年4月份 - 歌舞團首次踏上一個聯賽的舞台,首次感受到何謂足球比賽,雖然在賽事中未能取得任何獎項和殊榮,但係勝在唔使做"包尾大班",仲有機會爭下第三(雖然只得六隊), 而最重要的就是在比賽當中仍能做到歌舞團的格言---歌舞團足球會全體「新丁」都能「真真正正地」"體驗全民參與"和"享受快樂足球"!!

2008年8月份 - 為了使歌舞團所有的會員能夠有一個更現代化,更親切和更有漩聚力的平台,歌舞團足球會的網頁便應運而生,網頁由構思,初步設計,測試,資料更新到完成都是一手一腳由歌舞團的各成員一手包辦,並由15.Herman負責統領,網站得以正式誕生及成功建立,全賴有所有歌舞團會員的支持和參與!!

(第四代會員:17.Kenneth, 19.Marco, 32.Ccy)
(第五代會員:26.Stephen, 30.Gary, 66.Edmund, 99.Ivan)
(第六代會員:13.Vincent, 21.Joe, 31.Yiu, 72.Astung, 28.Patrick)

(第七代會員:20.Nekki)

(第八代會員:17.Ho, 2.King, 69.Michael)

(第九代會員:27.Szto, 99.Jacob, 24.Hon, 34.KC)

(第十代會員:8.Will, 72.YM, 4.Tim, 48.Kian)

(第十一代會員:4.Shane, 21.Barry, 32.Winson, 38.Franky, 28.Nic)

(第十二代會員:88.Daniel, 39.Chaos, 44.Edison)

(第十三代會員:26.Tyler, 32.K.Sauwai, 68.Nick L, 89.Roy.C)

(第十四代會員:16.Wing Kit, 98.Jason)

(第十五代會員:20.W.Ho, 36.Rono, 77.Sam Millar)

(第十六代會員:29.Oscar, 98.John)

(第十七代會員:22.Harry, 23.Mark, 30.Milk)

(第十八代會員:2.Sum, 15.Winson, 25.Perry, 27.Allan)

 

2018年6月份 - 歌舞團踏出創科的第一步,在21.Barry與他的團隊努力下開發了球會專用Apps,令各位球員可以隨時隨地報名賽事!!

 


 

4. 球會約章

球賽報到需知-賽事類別:

內部對賽-報名人數不限,如賽前3天不足14位歌舞團隊員,歡迎邀請朋友參加(但要先在報名區知會)

 

單對單與友隊友賽-報名人數上限為14人,如賽前3天不足10位歌舞團隊員,歡迎邀請朋友參加(但要先在報名區知會)

普通的三角友賽-報名人數不限, 如賽前7天不足14位歌舞團隊員確認出席,將會另外邀請多一隊友隊到場參賽, 如賽前3天仍未超過16位歌舞團隊員確認出席, 歡迎邀請朋友參加(但要先在報名區知會)

小型四角聯賽-報名人數不限, 如賽前10天不足14位歌舞團隊員確認出席,將會另外邀請多一隊友隊到場參賽, 如賽前3天仍未超過16位歌舞團隊員確認出席, 歡迎邀請朋友參加(但要先在報名區知會)

賽事首發:
隊員應主動留意賽程(約2-3個月前),並盡早留言通知出席與否。遲到/早退/邀請朋友參加/等亦應該先在討論區知會。

賽前24小時:賽事報名最後期限,是日賽事將會停止接受報名!!

賽前1天晚上11:59pm前:已報名臨時不出席賽事者需要在賽事報名區匯報(電話或SMS並不包括在內)否則,一律捐獻$50!

賽事當天:沒報名而臨時出席者,一律捐獻$100! 已報到球員而臨場缺席者(俗稱"放飛機"),賽事當天才在報名區匯報並不能豁免,一律捐獻$50!

各位請緊記帶錯球衣者都要一律捐獻$50!(等同放自己顏色球隊飛機) 

所有捐款將會有一個獨立的存款箱存起名為"歌舞團聯誼基金"並在網站內公佈存款數目並會於"球會春茗"和"週年晚宴"全數作資助使用!

尊重對手及隊友,請於開波時間前到達並更衣。

 

******

1. 恆常出席而且有連續定期繳交固定"季度會費(不論出席多少賽事日或完全沒有出席任何賽事都需要繳交一樣的季度會費)"的隊員將會稱為"恆常會員"...恆常會員的現有報名出席賽事制度完全一切依舊不變!

2. 恆常會員如欲攜帶朋友出席賽事的話, 按場收費每位$150 (更新於2019年1月1日)
(事前請到網站揚聲, 但會先作為後補, 要視乎恆常會員出席人數情況而定)

******

 


 
5.球場紀律

1. 隊友在賽事中必須服從領隊及隊長指令!
2. 隊友落場時所踢的位置會視乎臨場情況而定!
3. 隊友於比賽中之提場,不得帶有攻擊成份,怪責或互相指罵。
4. 若球賽進行期間發生衝突事件,請各隊友務必盡量克制及聽從領隊、隊長的指示。

 

以上球賽報到需知和球會紀律將會於08年11月1日生效,請各隊員遵守,讓大家都能享受足球的樂趣,多謝合作。

※本會有權對隊規作出加減,會員不得異議※

 


6. 歌舞團歷屆獎項得獎者

 

歌舞團足球會10大(歷屆獎項得獎者)

獎項

2008

2009

201020112012

2013

2014

2015

2016

20172018            
神射手9.Hong18.Simon66.Edmund18.Simon18.Simon18.Simon34.KC9.Hong48.Kian66.Edmund77.Sam
助攻皇9.Hong66.Edmund66.Edmund

18.Simon

66.Edmund

12.Stanley

66.Edmund

12.Stanley10.Quentin19.Marco66.Edmund66.Edmund19.Marco
頭搥王11.Leo10.Quentin33.Peter31.Yiu66.Edmund27.Szto27.Szto48.Kian48.Kian48.Kian48.Kian

MVP 冠軍

9.Hong

18.Simon

16.Andy15.Herman11.Leo

11.Leo

10.Quentin19.Marco66.Edmund

13.Vincent

77.Sam

MVP 亞軍

18.Simon 14.Dennis14.Dennis31.Yiu14.Dennis19.Marco

24.Hon

24.Hon

48.Kian19.Marco19.Marco

MVP 季軍

11.Leo66.Edmund12.Stanley18.Simon21.Joe

12.Stanley

27.Szto

8.Will

13.Vincent

24.Hon

32.K.Sauwai29.Oscar

最多入球及助攻的後防球員

14.Dennis

11.Leo

11.Leo6.William13.Vincent

13.Vincent

11.Leo11.Leo11.Leo28.Nic30.Milk

我最喜愛的後防球員

23.Matthew

23.Matthew

15.Herman 3.Aqua3.Aqua 

24.Hon

14.Dennis4.Shane44.Edison

24.Hon

69.Michael

最多入球及助攻的中場球員

4.Alan

16.Andy

13.Vincent12.Stanley12.Stanley 

16.Andy

27.Szto

10.Quentin

19.Marco

21.Barry

32.K.Sauwai

我最喜愛的中場球員

12.Stanley

12.Stanley

31.Yiu5.Lok10.Quentin

10.Quentin

16.Andy

21.Barry

99.Jacob

89.Roy.C

20.W.Ho

 

回應

cwleung's 的頭像

上星期5個一起放飛機,相信破了球會的紀錄...Money mouth

Simon's 的頭像

大師尚有$50飛機預備金(HK$100-$50)

Simon's 的頭像

大師所有飛機預備金已全部扣除(HK$50-$50=HK$0)

cwleung's 的頭像

Laughing終於用晒...要開香檳慶祝...{#emotions_dlg.wc_cheer}Laughing

大師尚有$100飛機預備金(HK$150-$50)

Simon's 的頭像

大師尚有$200飛機預備金(HK$250-$50)

Simon's 的頭像

大師尚有$150飛機預備金(HK$200-$50)

Simon's 的頭像

大師尚有$300飛機預備金(HK$350-$50)

Simon's 的頭像

大師尚有$250飛機預備金(HK$300-$50)Laughing

Simon's 的頭像

大師尚有$350飛機預備金(HK$400-$50)Laughing

cwleung's 的頭像

叫大師報埋九月同十月比賽啦...費事找番俾佢啦.....Laughing

YSL's 的頭像

唔好呀, 我驚deposit唔夠找喎

Simon's 的頭像

大師尚有$400飛機預備金(HK$450-$50)Laughing

Simon's 的頭像

大師尚有$450飛機預備金(HK$500-$50)Laughing

YSL's 的頭像

你問佢科5百咋?好快用完咋喎

Simon's 的頭像

來年春茗可能有過千蚊現金獎抽獎,因為而家已經有$600啦Laughing...肥囉

Simon's 的頭像

扣除所有罰款及7至9月份會費,Alan已經另外交了$500飛機預備金,供球會慢慢扣除{#emotions_dlg.wc_cheer}

cwleung's 的頭像

佢應該俾多五舊水.....{#emotions_dlg.wc_agree}

到年尾整番個獎俾佢....

Simon's 的頭像

一於幫佢整個"像"啦...玩下手可以成立一個基金以佢命名添{#emotions_dlg.fuck}

cwleung's 的頭像

I think that 大師 should over $1000 in 年尾!Kiss

YSL's 的頭像

幫佢立返個碑, 名叫"張立碑", 係大師放夠廿次飛機既"里程碑"

cwleung's 的頭像

擺響櫻桃街公園........Money mouth

cwleung's 的頭像

That's why Edmund did not appear last night match la.....

基金收入進程良好 {#emotions_dlg.wc_cheer}  {#emotions_dlg.wc_jump}

Simon's 的頭像

冇錯...希望快d突破$500大關{#emotions_dlg.wc_icable}

YSL's 的頭像

大師一個貢獻近40%, 年尾頒個獎俾佢啦!